Линктер

ЧУКУЛ КАБАР!
5-декабрь, 2020 ишемби, Бишкек убактысы 21:06

«Кыргызкөмүр»: Кара-Кечедеги көчкүгө жаан себеп болду, жолду тазалоого бир жума кетет


Кара-Кечедеги көчкү. 14-сентябрь, 2020-жыл. Күбөлөрдүн сүрөтү.

Жумгалда Кара-Кече көмүр кенине жакын аймакта көчкү жүрүшүнө жаан-чачын себеп болду, жабылып калган жолду тазалоого бир жумадай убакыт кетет. Бул тууралуу 15-сентябрда «Азаттыкка» адистердин айтканына таянып «Кыргызкөмүр» ишканасынын басма сөз катчысы Жийде Зоотбекова билдирди:

«Баштапкы маалымат боюнча, көчкүнүн жалпы көлөмү эки миллион куб метр болду. Жолдун тосулуп калган аралыгы 500 метр. Стратегиялык жолдун деңгээлинен эсептегенде бийиктиги 25 метр».

14-сентябрда Нарын облусуна караштуу Жумгал районунда тоо көчкөн. Зоотбекованын айтымында, Дыйкан айылын Кара-Кече көмүр кенинин «Борбордук» деген тилкеси менен байланыштырып туруучу стратегиялык жол тосулуп калган.

Кырсыктын кесепетинен Кара-Кече суусунун нугу да тосулуп, бийиктиги 40 метрлик дамба пайда болгону, электр зымдары үзүлгөнү жана Дыйкан айылы менен каттам токтогону маалымдалды.

Адам өмүрүнө залака тийгени тууралуу маалымат жок.

Окуя болгон жерге Бишкектен тийиштүү мекемелердин жетекчилери барышты. Жолду тазалоо иштери жүрүп жатат.

Транспорт жана жолдор министрлиги көчкү Дыйкан – Кара-Кече жолунун 37-чакырымында болгонун, Бишкектен барган жетекчилер тобу зыяндын көлөмүн аныктап, кайсы жерге жаңы айланма жол куруларын аныктай турганын кабарлады. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG