Линктер

ЧУКУЛ КАБАР!
2-декабрь, 2020 шаршемби, Бишкек убактысы 22:21

Шайлоо-2020: Талапкердин мечиттеги видеосу тарады


Иллюстрациялык сүрөт.

«Биримдик» саясий партиясынан парламентке талапкер болгон, Жогорку Кеңештин депутаты Сайдолимжон Жураев Баткенде «диний жайда үгүт жасап жатат» деген видео Интернетке тарады. Чөнтөк телефонго түшүрүлгөн видео Кадамжай районунун Үч-Коргон айылынын мечитинде 11-сентябрда тартылганы кабарланды.

«Азаттык» Жураевдин өзү менен байланышканда ал Интернетте тарап жаткан тасма болжол менен жарым жыл мурдагы экенин, мечитке барып турарын, бирок үгүт башталганы бир да жолу чогулгандар алдына чыгып сүйлөбөгөнүн айтты.

Муфтият видеонун чоо-жайын такташ үчүн Баткен облусунун казысына тапшырма берилгенин маалымдады.

Буга чейин да Интернетке айрым партиялардын эл менен жолугушууларында молдолор да катышканы тартылган видеолор чыккан.

Борбордук шайлоо комиссиясы диний мекемелерде гана шайлоочулар менен жолугушууга уруксат жок экенин, калган жайларга тыюу салынбаганын буга чейин билдирген.

Муфтият диний ишмерлерди үгүт иштерине аралашпоого чакырган билдирүү тараткан.

Жогорку Кеңешке шайлоо 4-октябрда болот. Үгүт өнөктүгү 4-сентябрда башталган. (RK)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG