Линктер

ЧУКУЛ КАБАР!
6-декабрь, 2020 жекшемби, Бишкек убактысы 08:12

Жогорку сот «Азия Ньюсту» министрге 300 миң сом төлөп берүүгө милдеттендирди


Ички иштер министри Кашкар Жунушалиев.

Жогорку сот «Азия Ньюс» гезитинин апелляциялык арызын 23-сентябрда карады. Анда Бишкек шаардык сотунун буга чейинки чечими күчүндө калтырылганын гезиттин коомдук жактоочусу, жарандык активист Адил Турдукулов «Азаттыкка» билдирди.

Анын айтымында, Жогорку соттун чечимине ылайык, гезиттин жетекчилиги ички иштер министри Кашкар Жунушалиевге 300 миң сом төлөп берүүгө милдеттендирилди.

Экинчи инстанциянын чечими өзгөртүүсүз калганын Жогорку соттун басма сөз кызматы да ырастады.

Быйыл 26-февралда Бишкек шаардык соту гезитти министрге 300 миң сом доо төлөп берүүгө милдеттендирген чечим чыгарган. Басылманын редактору Аслан Сартбаев жана жактоочулар буга макул болбой, Жогорку сотко даттанган.

Жогорку соттун 23-сентябрдагы чечими акыркы жана ага каршы даттанууга болбойт.

Кашкар Жунушалиев «Азия Ньюсту» 2019-жылдын 25-апрелинде (№16) жана 16-майда (№19) чыккан сандарындагы макала, коллаждар үчүн сотко берген. «Гезиттеги материалдар ар-намысыма шек келтирди» деген негизде бешмиллион сом өндүрүп берүүнү өтүнгөн.

Министрдин доо арызын алгач Бишкектин Октябрь райондук соту карап, былтыр декабрда Жунушалиевдин пайдасына чечим чыгарган жана гезитти миллион сом айыпка жыккан.

Басылманын жетекчилери райондук соттун чечимине каршы шаардык сотко кайрылышкан.

Буга чейин «Азия Ньюсту» мурдагы вице-премьер-министр Жеңиш Разаков да сотко берип, миллион сом доого жыгылганы белгилүү. Мындан тышкары гезит Ички иштер министрлигинин 7-башкармалыгынын мурдагы жетекчиси Бакыт Матмусаев менен да соттошуп, ага 15 миң сом төлөй турган болгон. (NT)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG