Линктер

ЧУКУЛ КАБАР!
29-ноябрь, 2020 жекшемби, Бишкек убактысы 11:01

Алексей Навальный Берлиндеги клиникадан чыкты


Навальный Берлиндеги клиникада. 19-сентябрь, 2020-жыл.

Орусиялык оппозиционер Алексей Навальный Германиядагы клиникадан дарыланып чыкты. Немис бийлигинин маалыматына ылайык, Германияда, Францияда жана Швецияда жасалган анализдер Навальныйдын «Новичок» деген нервди шал кылчу зат менен ууландырылганын аныктаган. Батыш Москвадан түшүндүрмө талап кылууда, бирок орус бийлиги кылмыштын далилдери табылмайынча тергөө жүргүзүүнүн кажети жок экенин билдирип, бул ишке аралашканын четке кагып жатат.

«Бейтаптын абалы жакшы болуп калды, аны стационардан чыгарса болот», деп билдирди Берлиндеги «Шарите» ооруканасы 23-сентябрда. Дарыгерлер муну менен катар «Навальный толук айыгышы мүмкүн, бирок уунун узак мөөнөттүү ыктымалдуу кесепеттерин айтуу азыр эрте» деп кошумчалашты.

Оппозиционер клиникада 32 күн жатты, 24 күн реанимация бөлүмүндө дарыланды.

Кремлдин башкы каршылашы Навальный 20-августта Томск-Москва учагында эсин жоготкон. Учак Омскиге чукул конуп, Навальный жергиликтүү ооруканага жеткирилген, кийин жакындарынын талабы менен Германиядагы «Шарите» клиникасына которулган.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG