Линктер

ЧУКУЛ КАБАР!
23-октябрь, 2020 жума, Бишкек убактысы 11:50

Кыргызстанда электрондук капчыкты идентификациялоонун мөөнөтү аяктоодо


Иллюстрациялык сүрөт.

Кыргызстанда 1-октябрдан тартып идентификациядан өтпөгөн электрондук капчык ээлерине кызмат көрсөтүүгө тыюу салган мыйзам күчүнө кирет.

Бул тууралуу Улуттук банктын басма сөз кызматы билдирди. Мекеме мыйзамга байланыштуу бир жума ичинде электрондук капчыктарды идентификациялоо зарыл экенин жарандарга эскертти.

Мыйзам боюнча 1-октябрдан тартып идентификацияланбаган электрондук капчыктардын бардык финансылык операциялары токтотулууга тийиш.

Идентификация үчүн жарандар тиешелүү коммерциялык банктарга, төлөм жүргүзгөн уюмдарга жана уюлдук байланыш операторлоруна кайрылышы керек. Шарты жокторго идентификациядан онлайн өтүүгө да мүмкүнчүлүк бар экени айтылды.

Маалыматтык технологиялар жана байланыш боюнча мамлекеттик комитеттин билдирүүсүнө караганда, Кыргызстанда учурда эки миллиондон ашуун жаран электрондук капчык кызматын колдонот.

Коронавирус пандемиясында анын колдонуучулары көбөйгөн. Өлкөдө жалпысынан 11 электрондук капчык кызматы бар. (NT)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG