Түркмөнстандын президенти Гурбангулы Бердымухаммедов өлкөнүн Эгемендик күнүнө карата камактагы 815 кишиге ырайым берди. Тиешелүү жарлыкка 24-сентябрда кол коюлган.
Мунапыска илингендердин арасында үч чет өлкөлүк жаран бар.
Түркмөнстанда президент түрдүү майрамдарга карата түрмөдөгү адамдарга ырайым берип келет. Акыркы жолу Бердымухамедов Кадыр түндүн алдында 1 400 кишиге мунапыс жарыялаган.
Бирок саясий жана диний негизде куугунтукталып, узакка камалган жүздөгөн адам президенттин мунапыстары менен эркиндикке чыга элек.