Линктер

ЧУКУЛ КАБАР!
23-октябрь, 2020 жума, Бишкек убактысы 12:02

Аба ырайы: тоолорго кар жаайт


Кыргызстандын аймагы. Иллюстрациялык сүрөт.

«Кыргызгидромет» борборунун кабарлашынча, 27-сентябрда түнкүсүн Чүй, Ош, Жалал-Абад, Баткен, Ысык-Көл облустарынын кээ бир райондорунда жаан, тоолуу райондорунда кар жаашы күтүлөт.

Талас, Нарын облустарында жаан-чачын болбойт. Күндүз Ысык-Көл облусунун көпчүлүк аймактарында, Чүй, Нарын облустарынын кээ бир райондорунда, Ош, Жалал-Абад облустарынын тоо этектеринде жаан, тоолуу райондордо жаан, кар, бийик тоолуу райондордо кар жаашы мүмкүн.

Ош, Жалал-Абад облустарынын өрөөндөрүндө жана Талас, Баткен облустарында жаан-чачындын ыктымалдуулугу аз.

Батыштан соккон шамалдын ылдамдыгы секундасына 4-9 метрден, 15-20 метрге жетет.

Абанын температурасы:

Чүй өрөөнүндө түнкүсүн 2...7, күндүз 15...20,

Ысык-Көл облусунда түнкүсүн 1...6, күндүз 14... 19,

Ош, Баткен, Жалал-Абад облустарында түнкүсүн 8...13, күндүз 20...25,

Нарын жергесинде түнкүсүн 1...6, күндүз 15...20,

Талас дубанында түнкүсүн 1...6, күндүз 14... 19,

Бийик тоолуу райондордо түнкүсүн -3...-8, күндүз 0...5 градус болот.

27-сентябрда Бишкек шаарында жаан-чачын жаабайт. Абанын температурасы түнкүсүн 4…6, күндүз 18…20 градус болот. (ErN)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG