Линктер

ЧУКУЛ КАБАР!
20-Январь, 2021 шаршемби, Бишкек убактысы 12:36

Жээнбеков Будапештте Венгрия менен стратегиялык кызматташуу тууралуу декларацияга кол коет


Кыргызстандын президенти Сооронбай Жээнбеков жана Венгриянын премьер-министри Виктор Орбан. Будапешт шаары.

Президент Сооронбай Жээнбеков бүгүн, 29-сентябрда Венгриядагы расмий сапарынын алкагында бул өлкөнүн премьер-министри Виктор Орбан менен сүйлөшүү жүргүзөт.

Мамлекет башчынын басма сөз кызматы кабарлагандай, кыргыз делегациясы Будапештке кечээ, 28-сентябрдын кечинде барды, бүгүнкүгө бир катар иш-чаралар пландалууда.

Жээнбеков менен Орбандын жолугушуусунан кийин эки өлкө ортосунда стратегиялык өнөктөштүк тууралуу декларацияга, Кыргыз-венгр өнүктүрүү фондун түзүү жөнүндөгү меморандумга жана башка документтерге кол коюлат. Будапешт шаарындагы бакчалардын бирине залкар жазуучу Чыңгыз Айтматовдун наамын ыйгаруу аземи өтөт.

Мындан тышкары Жээнбеков Венгриянын президенти Янош Адер жана Улуттук жыйынынын төрагасы Ласло Кёвер менен жолугушат.

Кыргызстан менен Венгриянын ортосунда дипломатиялык мамилелер 1991-жылы түзүлгөн. Бул өлкөнүн элчилиги Бишкекте быйыл февраль айында ачылган. 2018-жылы венгр өкмөтүнүн башчысы Кыргызстанга расмий сапар менен келип кеткен. Эки өлкө негизинен айыл чарба, фармацевтика тармактарында кызматташат. Ондогон кыргызстандык студенттер Венгриянын жогорку окуу жайларында квоталык негизде билим алышат. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG