Линктер

ЧУКУЛ КАБАР!
26-ноябрь, 2020 бейшемби, Бишкек убактысы 09:49

Баткенде жөө кишилерди кичиавтобус менен жөөлөгөн айдоочу камакка алынды


Кызыл-Кыядагы окуя тартылган видеодон алынган сүрөт.

Баткен облусунун Кызыл-Кыя шаарында кичиавтобус менен жөө кишилерди жөөлөгөн айдоочу кармалып, камакка алынды.

Ал 25 жаштагы жаран экенин облустук милиция билдирди. Маалыматка караганда, факты алгач Жазык кодексинин 266-беренеси («Бейбаштык»), 297-беренеси («Жол коопсуздугунун жана автоунаа каражаттарын пайдалануу эрежелерин бузуу») менен Кылмыштардын жана жоруктардын бирдиктүү реестрине катталып, кийинчерээк 39-130-беренеге («Киши өмүрүнө кол салуу») которулду.

Кармалган айдоочу убактылуу кармоочу жайга камалып, анын машинеси айып жайына киргизилди. Окуяга катышкандар чогуу спирт ичимдик ичкен деген версия бар.

25-сентябрда Кызыл-Кыя шаарында орун алган окуянын видеосу Интернетте тараган. Анда кичиавтобустун айдоочусу көчөдө турган бир нече адамды сүздүрүп, ары-бери айдап жатканын көрүүгө болот. Окуяда жабыркаган Кадамжай районунун тургуну аймактык ооруканага түшкөн.

Милиция айдоочу изин жашырып кеткенин айтып, издеп жаткан. (NT)

XS
SM
MD
LG