Линктер

ЧУКУЛ КАБАР!
24-Сентябрь, 2021 жума, Бишкек убактысы 14:33

«Реформа»: Жыйынтык чыкмайынча мөөнөтсүз митинг улана берет


Азият Жекшеев. Архивдик сүрөт.

Парламенттик шайлоонун натыйжасын тааныбоо тууралуу талап менен уюштурулган митинг жыйынтык чыкмайынча улана берет. Бул тууралуу «Азаттыкка» Бишкектин Ала-Тоо аянтында өтүп жаткан митингдин уюштуруучуларынын бири, «Реформа» партиясынын өкүлү Азият Жекшеев билдирди:

«Шайлоо жапырт мыйзам бузуу, элди коркутуп-үркүтүү менен өттү. Парламентке уурулар менен паракорлор, алтынчы чакырылыш (Жогорку Кеңеш - ред.) кайра келип отуруп алды. Биз жаңыланууну көздөп шайлоого чыкканбыз. Бүгүн бул жерде элдин арасынан чыккан партиялар чогулуп жатат. Биригип, резолюцияга кол койгон партиялар эми аягына чейин барышат. Жыйынтык чыкмайынча мөөнөтсүз митинг улана берет».

Жалпысынан шайлоого 16 партия катышкан. Борбордук шайлоо комиссиясынын (БШК) алдын ала маалыматына караганда 4-октябрдагы шайлоодо төрт партия: «Биримдик», «Мекеним Кыргызстан», «Кыргызстан» жана «Бүтүн Кыргызстан» партиялары 7% босогодон өтүштү.

Шайлоонун жыйынтыгына нааразы болгон айрым партиялар биригип, тынч акцияларды уюштурарын билдиришкен.

БШК жараянды таза өткөрүүгө бардык шарттар түзүлгөнүн билдирген. (RK/BTo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG