Линктер

ЧУКУЛ КАБАР!
3-декабрь, 2020 бейшемби, Бишкек убактысы 13:46

Зилалиев жалпысынан тогуз жылга эркинен ажыратылды


Дүйшөнбек Зилалиев. Архивдик сүрөт.

Бишкек шаарынын Биринчи май райондук сотунун 5-октябрдагы өкүмү менен мурдагы вице-премьер-министр Дүйшөнбек Зилалиев «Мыйзамсыз баюу» деген берене боюнча жети жылга эркинен ажыратылды. Бул тууралуу соттун басма сөз кызматы кабарлады.

Буга чейинки жазаны жарым-жартылай кошуу менен Зилалиевдин абак мөөнөтү жалпысынан тогуз жыл деп чегерилди. Мындан тышкары, ал үч жылга чейин мамлекеттик кызматта иштөөгө укугу жок болот.

Башкы прокуратура Зилалиевге 2010-2017-жылдары мамлекеттик органдарда жетекчилик кызматты ээлеп турганда өзү иштеп тапкан каражаттан ашык суммага мүлк сатып алган деген жүйө менен «Мыйзамсыз баюу» беренесинин негизинде кылмыш ишин козгогон.

Ал 2018-жылдын 8-декабрында камакка алынып, азыр УКМКнын тергөө абагында кармалып турат.

2018-жылдын 18-октябрында Зилалиев дагы бир иш боюнча шарттуу түрдө үч жылга эркинен ажыратылган болчу. Анда Зилалиевге карата Жазык кодексинин «Террорчулук жөнүндө атайылап жалган маалымат таратуу» беренесинин негизинде иш козголгон.

Зилалиев айыптарды четке кагып, мыйзамсыз түрдө камалганын айтып келет. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG