Линктер

ЧУКУЛ КАБАР!
16-Сентябрь, 2021 бейшемби, Бишкек убактысы 17:12

Жээнбеков шайлоого катышкан бардык партиялардын лидерлери менен жолукмай болду


Сооронбай Жээнбеков. Архивдик сүрөт.

Президент Сооронбай Жээнбеков парламенттик шайлоого катышкан 16 партиянын лидерлери менен жолугушууга ниеттенүүдө. Бул тууралуу мамлекет башчынын басма сөз кызматы кабарлады.

Маалыматта «жолугушуу 6-октябрга саат 11-00гө пландаштырылды. Бардык 16 партиянын лидерлери чакырылат» деп айтылды.

Кыргызстанда 4-октябрда өткөн кезектеги парламенттик шайлоодон кийинки күнү баш калаада ири нааразылык акциясы өттү. Анда 12 партия шайлоонун жыйынтыгын тааныбай, бийликке кайрадан шайлоо өткөрүү тууралуу талап коюп жатканы айтылды. Митингди милиция күч менен кууп таратты. Бирок аянттын тегерегиндеги көчөлөрдө митингчилер менен күч түзүмдөрүнүн кызматкерлеринин тиреши уланууда.

Шайлоонун расмий жыйынтыгына караганда, парламенттеги мандаттардын дээрлик баары бийликчил үч партияга тийди. Шайлоого катышып, бирок жети пайыздык босогодон өтө албай калган партиялардын өкүлдөрү бул жараян өтө ыплас өткөнүн, добуштардын көбү сатылып алынганын айтууда. Президент жана БШК бардык талапкерлер үчүн бирдей шарт түзүлүп берилгенин билдирүүдө. (RK)

Пикирлерди көрүңүз (13)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG