Линктер

ЧУКУЛ КАБАР!
23-Июнь, 2021 шаршемби, Бишкек убактысы 20:14

Депутат Элвира Сурабалдиева күч түзүмдөрүнүн аракетин айыптады


Бишкектеги Чүй-Исанов көчөлөрүнүн кесилиши. 5-октябрь, 2020-жыл.

«Ата Мекен» партиясынын талапкери, депутат Элвира Сурабалдиева тартип коргоо органдарын «тынч митингчилерге күч колдонду» деп айыптады. Ал бир аз убакыт мурда «Фейсбук» аркылуу видео кайрылуу жасап, Ички иштер министрлиги менен Улуттук коопсуздук боюнча мамлекеттик комитеттин (УКМК) жетекчилиги мыйзам алдында жооп берерин эскертти.

Депутат шаарда телефон байланышы да үзгүлтүккө учурап жатканын, бийлик бүгүнкү аракеттери менен элдин ачуусуна тийип алганын кошумчалады.

«Туура эмес кылдыңар. Силер коркутуп, үркүтүп, желим октор менен балдарды канжалатып жатасыңар. Эй байкелер, эсиңерге келгиле!», - деди Сурабалдиева.

Бишкек шаарынын борбордук бөлүгүндө парламенттик шайлоонун жыйынтыгына каршы митингге чыккандар менен күч түзүмдөрү кызматкерлери кагылышып жатканы кабарланууда. Буга чейин Саламаттык сактоо министрлигинин басма сөз кызматы Ала-Тоо аянтындагы митингди таркатуу учурунда 16 адам ар түрдүү жараат алып, ооруканага түшкөнүн маалымдаган. Аянтка чогулган элди күч түзүмдөрү көздөн жаш агыза турган газ, желим ок, кулак тундуруучу граната ыргытып, таратууга аракет кылды.

ИИМ митингчилер Жогорку Кеңештин имаратын курчаган темир дарбазаны сындырууга, таш ыргытып, тосмодон ашып кирүүгө аракет кылганы үчүн аларды кууп таратууга туура келгенин билдирди.

6-октябрда президент Сооронбай Жээнбеков парламенттик шайлоого катышкан 16 партиянын лидерлери менен жолугушууга ниеттенип жатканын мамлекет башчынын басма сөз кызматы кабарлады.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG