Линктер

ЧУКУЛ КАБАР!
25-ноябрь, 2020 шаршемби, Бишкек убактысы 12:04

Бишкекте митингчилер Жогорку Кеңештин короосуна киргени кабарланды


Бишкектеги Жогорку Кеңеш менен президенттик администрациянын имараты.

6-октябрга караган түнү Бишкекте парламенттик шайлоонун жыйынтыгына нааразы болуп чогулган митингчилер Кыргызстандын президенти жана парламенти отурган имараттын чыгыш тарабындагы дарбазасын бузуп, короосуна киргени кабарланды. Бул тууралуу окуяга күбө болгон жарандык активист Улан Үсөйүн «Азаттыкка» билдирди. Мындай маалыматты социалдык тармактарга бир нече колдонуучу да жазды. Бул маалыматты расмий жана көз каранды эмес булактардан ырастоо мүмкүн боло элек. Бишкекте ушу тапта уюк байланышы жана Интернет иштебей турат.

Буга байланыштуу «Азаттыктын» окуянын жериндеги кабарчылары менен байланышуу мүмкүн болбой турат.

5-октябрда Бишкекте парламенттик шайлоонун жыйынтыгына нааразы болгон партиялардын тарапкерлери нааразылык акциясына чыгышкан. Кечке жуук милиция акциянын катышуучуларын күч менен таратып, ортодо кагылыш болгон. Баш калаанын борбордук бөлүгүндө кагылыштар түнү бою уланды.

Буга чейин Саламаттык сактоо министрлигинин басма сөз кызматы бүгүнкү окуялардан 120дан ашык ар түрдүү жараат алып, ооруканага түшкөнүн маалымдады.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG