Линктер

ЧУКУЛ КАБАР!
2-декабрь, 2020 шаршемби, Бишкек убактысы 22:14

Кара-Кече көмүр кенин топ киши басып алды


Кара-Кече көмүр кени.

Нарын облусунун Жумгал районундагы Кара-Кече көмүр кенин 6-октябрда саат 15.00 чамасында топ киши басып алды.

Бул тууралуу Кара-Кече көмүр кенин караган «Кыргызкөмүр» ишканасы билдирди. Маалыматка караганда, ишкананын Кара-Кечедеги филиалын 100дөй кишиден турган топ ээлеп алган.

"Кыргызкөмүр" ишканасы кенди басып алууну "Саяк" деген каймана аты бар кримавторитет Кадыркулов уюштурган деген маалымат бар экенин кабарлады.

Ишкананын маалыматына караганда, басып алгандар филиалдын кассасынан акча жана көмүр иштетүүдөн түшкөн жарым миллион сомдон ашык каражатты тартып алган. Филиалдын директорун, башкы инженерди өз ыктыяры менен кызматтан кеттим деген арыз жазууга мажбурлап, жетекчиликтин алмашуусун талап кылып жатканы айтылды.

"Кыргызкөмүр" көптөгөн машинелер кенге документсиз жана төлөмсүз кирип жатканын, бул жагдай жана кенди басып алуу 2020-2021-жылдагы жылуулук берүү мезгилине терс таасирин тийгизиши мүмкүн экенин эскертти.

Ишкананын жетекчиси Канатбек Ашырбаев буга чара көрүүнү өтүнүп, УКМК, ИИМ жана Координациялык кеңешке кайрылган.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG