Линктер

ЧУКУЛ КАБАР!
1-Август, 2021 жекшемби, Бишкек убактысы 21:20

Отунбаева президент менен парламентти абалды жөнгө салууга жардам берүүгө чакырды


Роза Отунбаева. 6-октябрь, 2020-жыл

Кыргызстанда президент жана парламент өлкөдөгү абалды турукташтырууга салым кошушу керек. Бул тууралуу мурдагы президенти Роза Отунбаева орусиялык “Интерфакс” агенттигине берген маегинде билдирди. Анда экс-президент өлкөдөгү абалды жөнгө салуу үчүн бардык саясий күчтөр биримдикке келип, буга президент жана парламент жардам бериши керек.

“2010-жылдан айырмаланып, учурда биз канчалык сындасак да, иштеп турган парламент бар. Ал бар жана жаңы шайлоолорду өткөрүү үчүн бардык даярдыкты көрүшү керек. Бизде бул жараяндын артында турган президент бар”, - деген Отунбаева.

Экс-президент ошондой эле шайлоо жыйынтыгына каршы чыккан партияларды акылга келип, патриотизмин көрсөтүүгө чакырган.

Отунбаева жаңы шайлоолорду жаңы жылга чейин өткөрүп, жаңы парламент шайланат деген үмүтүн билдирген.

4-октябрда өткөн парламенттик шайлоо одоно мыйзам бузуулар менен өттү деген саясий партиялардын тарапкерлери 5-октябрда мөөнөтсүз митингге чыгып, 6-октябрга караган түнү президенттин аппараты жана парламент жайгашкан имаратты, УКМКнын имаратын ээлеп алышкан.

Эки күндөн бери бийликти мыйзамдаштыруу багытында орток пикир табыла элек.

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG