Линктер

ЧУКУЛ КАБАР!
25-Сентябрь, 2021 ишемби, Бишкек убактысы 16:20

Пашинян: Кыргыз элине тынчтык каалайм


Ереванга чогулган өкмөт башчылар.

Евразия Экономикалык Биримдигине мүчө мамлекеттердин өкмөт башчыларынын Ереван шаарында 9-октябрда өткөн жыйынына Кыргызстандын премьер-министри катышкан жок.

Бул тууралуу жыйында Армениянын премьер-министри Никол Пашинян сөз кылып, Кыргызстандагы жагдайдын жөнгө салынышына тилектештигин билдирди.

“Кыргызстандын премьер-министри белгилүү себептерден улам Армениядагы жыйынга келе албай калганын өкүнүү менен белгилегим келет. Мен достук мамиледеги Кыргызстандын элине тынчтык жана ынтымак каалайм. Өлкө ичиндеги саясий кырдаалдын тез арада чечилишине тилектешмин”, - деди армян премьер-министри Никол Пашинян.

Еревандагы жыйынга Орусия, Беларус, Казакстан жана Армениянын өкмөт башчылары катышты.

Бишкекте 5-октябрда парламенттик шайлоонун жыйынтыгына каршы нааразылык акциясы митингчилердин Ак үйгө кирип барышы менен аяктаган. Андан бери өлкөдө саясий абал курчуп турат.

6-октябрда Жогорку Кеңештин бир бир бөлүгү абактан бошонуп чыккан саясатчы Садыр Жапаровду премьер-министрликке көрсөткөн. Бирок оппозициячыл партиялар бул чечим талаштуу экенин билдирип жатышат.

9-октябрда премьер-министр Кубатбек Боронов кызматтан кетүү жөнүндө арызын жазып, ага президент кол койгону маалым болду.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG