Линктер

ЧУКУЛ КАБАР!
29-ноябрь, 2020 жекшемби, Бишкек убактысы 10:25

Жогорку сот: Шайлоо жыйынтыгын жокко чыгарган чечимге каршы арыз түшкөн эмес


Иллюстрациялык сүрөт.

Парламенттик шайлоонун жыйынтыгын жокко чыгарган чечимге каршы арыз Жогорку сотто каралып жатканы жөнүндөгү маалымат чындыкка дал келбейт. Бул тууралуу 15-октябрда мекеменин басма сөз кызматы кабарлады:

“15-октябрга карата жогорку соттук органда шайлоо боюнча талаш-тартышка байланыштуу биринчи инстанцияда кабыл алынган кайсы бир соттук актыга каршы кассациялык даттануу арызы каралып жаткан жок”.

4-октябрда Кыргызстанда кезектеги парламенттик шайлоо өткөн. Анын жыйынтыгына нааразы болгондор митингге чыгып, өлкөдө саясий кризис жаралган. 6-октябрда Борбордук шайлоо комиссиясы (Боршайком) бул шайлоонун жыйынтыгын жокко чыгаруу тууралуу чечим кабыл алган.

15-октябрда интернетте шайлоодо жеңүүчү аталган төрт партиянын бири - “Кыргызстан” саясий партиясы Боршайкомдун бул чечимин жокко чыгаруу тууралуу арыз менен Жогорку сотко кайрылганы жөнүндө маалымат тарады. Партия өкүлдөрү комментарий же расмий маалымат берише элек.

Боршайкомдун мүчөсү Гүлнара Журабаева “Азаттыктын” суроосуна жооп берип жатып мындай маалымат кайдан чыкканы белгисиз экенин, шайлоо жыйынтыгын жокко чыгарган чечим тууралуу сотко кайрылуу мөөнөтү өтүп кеткенин айтты. Журабаеванын белгилешинче, БШКнын чечимине даттанууга мыйзам үч күндүк мөөнөт берет. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG