Линктер

ЧУКУЛ КАБАР!
26-ноябрь, 2020 бейшемби, Бишкек убактысы 01:32

Абсаттар Сыргабаев өкмөттүн Жалал-Абад облусундагы өкүлү болуп дайындалды


Абсаттар Сыргабаев (солдон оңду карай үчүнчү). Жалал-Абад шаары. 19-октябрь, 2020-жыл.

Өкмөттүн Жалал-Абад облусундагы ыйгарым укуктуу өкүлү болуп Абсаттар Сыргабаев дайындалды. Тиешелүү буйрукка учурда президенттин милдетин аткарып жаткан премьер-министр Садыр Жапаров кол койду.

Сыргабаевди эмгек жамааты менен 19-октябрда вице-премьер-министр Равшан Сабиров тааныштырды.

Абсаттар Сыргабаев буга чейин Сузак районунун Барпы айыл өкмөтүнүн башчысы болуп иштеп келген.

Ал 4-октябрда өткөн парламенттик шайлоодо Садыр Жапаров жана 16-октябрдан тартып УКМКны жетектей баштаган Камчыбек Ташиев башында турган «Мекенчил» партиясынан талапкер болгон. Ошондой эле партиянын тизмесинде бешинчи катарда турган.

Сыргабаев Камчыбек Ташиевдин өкүл баласы катары да Жалал-Абад облусунун коомчулугуна белгилүү.

Өкмөттүн Жалал-Абад облусундагы буга чейинки өкүлү Нурболот Мирзахметов кызматка сегиз ай мурда дайындалган.

Жалал-Абад облусунда сегиз район жана төрт шаар бар. (TB/NT)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG