Линктер

ЧУКУЛ КАБАР!
29-ноябрь, 2020 жекшемби, Бишкек убактысы 10:07

ТИМ: Кыргыз-түрк кызматташтыгы талкууланды


Иллюстрациялык сүрөт.

Кыргызстан Түркия менен мурда жетишилген макулдашууларды толук ишке ашыруу маанилүү деп эсептейт. Бул тууралуу 19-октябрда тышкы иштер министри Руслан Казакбаев Түркиянын башкы дипломаты Мевлүт Чавушоглу менен телефон аркылуу сүйлөшкөндө айтканын мекеменин басма сөз кызматы кабарлады.

Казакбаев Кыргызстанда ички саясий абал турукташып, мамлекеттик бийликтин бардык бутактары легитимдүү негизде, аткаруу бийлигинин бардык органдары кадимки тартипте иштеп жатышканын айтып берди.

Эки министр кызматташтыктын ар кыл багыттары боюнча пикир алмашып, артыкчылыктуу багыттарды күчөтүгө, ортодогу стратегиялык мамилелерди бекемдөөгө басым жасашты.

Казакбаев Бишкектеги Кыргыз-түрк ооруканасы убактылуу пайдаланууга берилгени коронавирус эпидемиясынын маалында жакшы жардам болгонун айтып, гуманитардык жана техникалык колдоо үчүн, Түркиядагы кыргызстандыктарды мекенине жеткирүүгө берилген жардам үчүн ыраазычылык айтты.

Түрк министри Кыргызстандын жаңы дайындалган министрин кызмат орду менен куттуктады.

Тышкы иштер министрлигин 2010-2012-жылдары башкарган Казакбаев бул ирет министр болуп 4-октябрдагы парламенттик шайлоодон кийинки бийлик алмашуу маалында келди.

Кыргызстанда 15-октябрда расмий ишке ашкан бийлик алмашуу тууралуу түркиялык башкы маалымат каражаттарынын бири "TRT Haber" мамлекеттик телеканалы түрк тышкы иштер министри Мевлүт Чавушоглунун 15-октябрда айткан сөзүн чыгарган. Анда министр Кыргызстандагы болуп жаткан окуяларда Түркияда тыюу салынган ФЕТО тобунун жактоочуларынын ролу бар экенин ишарат кылган. (RK)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG