Линктер

ЧУКУЛ КАБАР!
24-ноябрь, 2020 шейшемби, Бишкек убактысы 07:11

Башкы прокурор Жамшитовдун кызматтан кетүү жөнүндө арызын парламент комитети колдоду


Өткүрбек Жамшитов, башкы прокурор.

Башкы прокурор Өткүрбек Жамшитовдун кызматтан кетүү тууралуу арызын Жогорку Кеңештин Конституциялык мыйзамдуулук, мамлекеттик түзүлүш, сот-укук маселелери жана регламент боюнча комитети 21-октябрда карап жактырып, парламенттин кароосуна жиберди.

Президенттин Жогорку Кеңештеги өкүлү Курманбек Дыйканбаев Өткүрбек Жамшитов кызматтан кетүү тууралуу президентке арыз бергенин билдирди.

Башкы прокурор Жогорку Кеңештин 16-октябрдагы Сооронбай Жээнбековдун отставкасын кабыл алган жыйынына катышкан. Ал 5-октябрдан бери ишке чыга электиги тууралуу маалымат тараган.

Ушул эле күнү депутат Курманкул Зулушев башкы прокурорлук кызмат өзүнө сунушталганын журналисттерге билдирди.

4-октябрдагы парламенттик шайлоонун жыйынтыктарына нааразы болгондордун 6-октябрдагы митинги башаламандык менен коштолуп, өлкөдө саясий кризис башталган.

16-октябрда Садыр Жапаров Жогорку Кеңештин колдоосу менен өкмөт башчы жана президенттин милдетин аткаруучу болгон. Ушул эле күнү парламент Сооронбай Жээнбековдун бийликтен кетүү жөнүндө арызын колдогон.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG