Линктер

ЧУКУЛ КАБАР!
21-Январь, 2021 бейшемби, Бишкек убактысы 20:25

ИИМ Боршайкомдогу окуя боюнча түшүндүрмө берди


ИИМ имараты.

Ички иштер министрлиги (ИИМ) Борбордук шайлоо комиссиясынын (БШК) мүчөлөрүн күбө катары суракка алуу маселеси боюнча түшүндүрмө берди. Мекеменин басма сөз кызматы кабарлагандай, 5-6-октябрда Бишкекте болгон башаламандык Жазык кодексинин 264-беренесинин 1-бөлүмүнүн («Жапырт башаламандык») негизинде Кылмыштар менен жоруктардын бирдиктүү реестрине каттоого алынып, сотко чейинки териштирүү башталган.

«Иликтенип жаткан иштин алкагында 5-октябрь күнү парламенттик шайлоонун жыйынтыгына нааразы болгон саясий партиялардын лидерлери жана алардын тарапташтары Бишкек шаарынын Ала-Тоо аянтында уруксат берилбеген митингге чыгышканы аныкталган. Жапырт башаламандыкка түрткү болгон себептерди аныктоо максатында ИИМдин Криминалдык милиция кызматы 5-октябрдагы окуянын жагдайларын аныкташ үчүн Боршайкомдун бардык мүчөлөрүн кабарлама жазып берүү менен күбө катары суракка алуу тууралуу тергөө тапшырмасын берген», деп айтылат ИИМдин маалыматында.

БШК имаратына ИИМ кызматкери кирип барып, Боршайкомдун мүчөлөрүн күбө катары суракка алып кетүүгө аракет кылганын 21-октябрда мекеменин басма сөз кызматы кабарлаган.

Боршайкомдун басма сөз катчысы Руслан Изреков «Азаттыкка» кабарлагандай, өзүн тергөөчү деп тааныштырган адам БШК мүчөлөрүн күбө катары суракка аларын билдирген, бирок эмне иш боюнча экенин айткан эмес жана тийиштүү документтерди көрсөткөн эмес.

Бүгүн, 21-октябрда Боршайком парламенттик шайлоону 20-декабрга белгилөө тууралуу чечим чыгарган болчу. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG