Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 19:33

ИИМ: Жыл башынан бери 60тай бала жол кырсыгынан каза болду


Иллюстрациялык сүрөт.

Кыргызстанда быйыл жыл башынан бери жол кырсыктарынан 59 баланын өмүрү кыйылды. Бул тууралуу маалымат Ички иштер министрлигинин (ИИМ) сайтына жарыяланды. Балдар туш болгон жол кырсыктарынын жалпы саны 915ке жетип, 1 063 бала жаракат алды.

ИИМдин маалыматына караганда, быйылкы жылдын тогуз айында 4 184 жол кырсыгы катталып, жалпысынан 496 адам каза болду, 6 271 адам ар кандай жаракат алды. Былтыр ушул эле мөөнөт аралыгында 4 691 кырсык катталып, 529 адам көз жумган.

Жол кырсыктарын азайтуу максатында Кыргызстанда «Коопсуз шаар» долбоору ишке ашырылууда. Ири шаарларга жана негизги жолдорго видеокөзөмөл орнотулган. Жолдо жүрүү эрежесин бузгандарга айыппул салынат. Бирок адамдар видеокамераларды талкалап салышкан учурлар бар экенин, техникалык чыгым миллион сомдоп саналарын милиция органдары билдирген. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG