Линктер

ЧУКУЛ КАБАР!
4-декабрь, 2020 жума, Бишкек убактысы 01:30

Грузияда парламенттик шайлоо өтүп жатат


Грузиядагы парламенттик шайлоонун жүрүшү. 31-октябрь, 2020-жыл.

Бүгүн, 31-октябрда Грузияда парламенттик шайлоо өтүп жатат. Ага 48 партия жана эки блок катышууда.

Шайлоочулар 150 депутатты, 120сын пропорционалдык системада, 30ун мажоритардык системада шайлашы керек.

Шайлоодо 1% добуш алган партиялардын бардыгынын өкүлдөрү парламентте орун алышат.

Грузиянын президенти Саломе Зурабишвили өзү добуш берип чыккандан кийин, башка жарандарды да шайлоого активдүү катышууга чакырды. Ал өлкөдө шайлоо эпидемиологиялык жактан коопсуз жана тынчтыкта өтөрүнө ишендирди.

Шайлоого байланыштуу Грузияда жалпы 3 657 добушкана уюштурулган, 11 шайлоо тилкеси ар кандай учурлар үчүн кошумча ачылган. 127 тилке коронавируска кабылгандар үчүн ачылды. Мындан сырткары 38 өлкөдө 52 добушкана бар.

Өлкөнүн Борбордук шайлоо комиссиясы билдиргендей, жалпы 3 526 023 шайлоочу катталган.

Грузияда быйыл бийлик менен оппозициянын сүйлөшүүлөрүн кийин шайлоо мыйзамдары реформаланып, 2020-жылдагы шайлоодо парламентке өтүү босогосу 1% түшүрүлгөн. Буга чейин босого 5% түзгөн. Ошондой эле 150 депутаттын 30у гана мажоритардык округдардан шайланмай болгон. Акыркы чакырылышта 77 депутат партиялык тизме менен, 73 депутат мажоритардык округдардан шайланып келишкен. (ErN)

XS
SM
MD
LG