Линктер

ЧУКУЛ КАБАР!
28-ноябрь, 2020 ишемби, Бишкек убактысы 02:02

АКШ: Трамп менен Байден добуштар боюнча «талаштуу» штаттарды кыдырып жатышат


Дональд Трамп жана Жо Байден.

АКШда президенттик шайлоого эки күн калганда азыркы президент Дональд Трамп жана анын демократ атаандашы, мурдагы вице-президент Жо Байден чечүүчү роль ойношу ыктымал болгон, бирок пикири олку-солку болуп турган штаттарды кыдыра башташты. Алар - Флорида, Түндүк Каролина, Аризона, Пенсилвания, Мичиган, Висконсин, Жоржия, Айова жана Миннесота.

Бул штаттардын дээрлик баарында төрт жыл мурдагы шайлоодо Трамп жеңген, быйыл, сурамжылоолорго караганда, Байден алдыда баратат. Бирок добуштар боюнча айырма анча чоң болбогондуктан Байден үчүн ишенимдүү деп айтуу мүмкүн эмес.

Жалпы өлкө боюнча сурамжылоолордун жыйынтыгы көрсөткөндөй, Байден Трамптан орточо эсеп менен 7% озуп баратат. Бирок жеңүүчүнү аныктоодо добуштардын көпчүлүгү эске алынбайт, себеби шайлоочулар коллегиясындагы добуш берүү чечүүчү деп эсептелет жана ал штаттардагы добуш берүүнүн жыйынтыгына жараша куралат. Президенттик шайлоо АКШда 3-ноябрда өтөт. (RK)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG