Линктер

ЧУКУЛ КАБАР!
23-Июнь, 2021 шаршемби, Бишкек убактысы 22:01

Баткен: Жапаровдун эл менен жолугушуусу эки миң кишилик стадиондо өтүп жатат


Стадионго чогулган эл, 2-ноябрь, 2020-жыл.

Кыргызстандын президентинин милдетин аткаруучу, премьер-министр Садыр Жапаров Баткен шаарындагы стадиондо жолугушуу өткөрүп жатат. Ага жүздөгөн жергиликтүү тургундар катышууда.

Садыр Жапаровдун жолугушуусу өтүп жаткан Баткен шаарындагы стадион эки миң орундуу. «Азаттык» радиосунун Баткендеги кабарчысынын айтымында, эл стадионго жык-жыйма чогулду.

Баткенде азыркы тапта эпидемиологиялык абал кооптуу деп бааланууда. Акыркы маалыматтар боюнча коронавирус аймакта күчөп, 1-ноябрда үч киши кайтыш болгон. Ал эми 2-ноябрда Баткенде бир киши каза тапты. Кыргызстандагы эпидемиологиялык абалга байланыштуу адамдын көп чогулуусуна тыюу салынган.

2-ноябрда Баткенге барган Кыргызстандын президентинин милдетин аткаруучу, премьер-министр Садыр Жапаров буга чейин Бакай айылына жакын Көк-Таш - Ак-Сай - Тамдык жолунун курулуш иштери менен таанышты.

Садыр Жапаров 10-январдагы президенттик шайлоого катыша турганын жарыялаган. (AiA)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG