Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 23:42

USAID Борбор Азия экономикасын калыбына келтирүү боюнча форум уюштурат


Иллюстрациялык сүрөт.

Кыргызстан Борбор Азия өлкөлөрүнүн коронавирустан кийинки экономикасын калыбына келтирүү маселесине арналган аймактык форумга катышат. АКШнын Эл аралык өнүгүү агенттиги (USAID) быйыл онунчу жыл уюштуруп жаткан аймактык соода боюнча эл аралык форум виртуалдык форматта 16-20-ноябрь күндөрү өтөт.

Быйылкы форумдун темасы – «Борбор Азия – өнүгүү жана гүлдөп өсүү». Ага эл аралык жана жергиликтүү эксперттер катышып, пандемияга байланыштуу киргизилген чектөөлөрдүн аймактагы бизнеске тийгизген таасири, туризм тармагын калыбына келтирүү, аймактык энергетикалык жана электрондук соода-сатыкты жакшыртуу, жеке сектордун жана мамлекеттин ортосунда диалог түзүү, ишкер аялдардын тажрыйбасы сыяктуу маселелерди талкуулашат.

Форум алкагында аймактагы беш өлкөнүн 20дан ашуун өндүрүүчү ишканаларынын ортосунда кызматташтык тууралуу онлайн сүйлөшүү жүргүзүүгө шарт түзүлүп берилет.

USAID агенттигинин маалыматына караганда, соңку он жыл ичинде Борбор Азия республикаларынын ортосунда товар жүгүртүүнүн көлөмү эки эсе көбөйүп, жылына алты миллиард долларлык көрсөткүчкө жетүүдө. (RK)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG