Линктер

ЧУКУЛ КАБАР!
28-Январь, 2021 бейшемби, Бишкек убактысы 17:11

COVID-19: АКШда экинчи күн катары менен антирекорд катталды


Иллюстрациялык сүрөт.

Жонс Хопкинс университетинин эсебинде, АКШда соңку бир күндө коронавирус дагы 123 миңден ашык кишиден табылды. Оорудан 1200дөн көп бейтап көз жумду. Шаршембиде коронавирусту 100 миңге чукул адам жугузуп алганы кабарланган.

50 штаттын кеминде 19унда инфекциялангандардын бир күндүк көрсөткүчү пандемия башталгандан бери болуп көрбөгөндөй көбөйдү.

Ушул тушта Европа эпидемиянын экинчи толкунунан жабыркап келатат. «Ажанс Франс Пресс» агенттиги коронавирус алгач аныкталгандан бери континентте 11 миллион 600 миңдей киши инфекцияланганын жазды. Бир топ өлкөлөрдө кайрадан карантин киргизилсе, башкаларында вирустун жайылышынын алдын алыш үчүн чектөөлөр иштеп жатат.

Францияда бейшембиде бир күндө инфекциялангандар 58 миңден ашты. 30-октябрда өлкөдө декабрга чейин карантин жарыяланган. Италияда акыркы 24 саатта вирусту 34,5 миңдей киши жугузуп алганы катталды. Киши башына алганда Белгия вируска кабылгандар жагынан Европада биринчи орунда баратат.

Дүйнө жүзүндө COVID-19 бери дегенде бир миллион 226 миң кишинин өмүрүн алды. Вируска 48 миллиондон ашуун киши чалдыкты.

XS
SM
MD
LG