Линктер

ЧУКУЛ КАБАР!
26-Январь, 2021 шейшемби, Бишкек убактысы 14:23

Жапаров Байденди куттуктап, сүйлөшүүлөр алга жылып жатканын кубаттады


Садыр Жапаров.

Президенттин милдетин аткаруучу, өкмөт башчы Садыр Жапаров Жо Байденди Америка Кошмо Штаттарынын президенттигине шайланышы менен куттуктады. Бул тууралуу президенттин басма сөз кызматы 9-ноябрда кабарлады.

Жапаровдун куттуктоо катында «Бүгүн АКШ өзүнүн өнүгүүсүнүн тарыхый этабында турат жана сиздин жетекчилигиңиз менен Америка эли жаңы бийиктиктерге жетет деп терең ишенем. Кыргыз Республикасы кыргыз-америка мамилелерин өз ара пайдалуу өнүктүрүүгө дайыма өзгөчө көңүл буруп келет. Кызматташуу жөнүндөгү негизги келишимдин долбоору боюнча сүйлөшүүлөр алга жылып жатканын зор канааттануу менен белгилейм. Эки элдин бакубаттыгы үчүн кыргыз-америка мамилелерин жаңы, сапаттуу деңгээлге чыгарууга багытталган биргелешкен иштерге кубанычымды билдирем» деп жазылды.

АКШда 3-ноябрда өткөн шайлоодо мурдагы вице-президент Жо Байден жеңгени 7-ноябрда белгилүү болду.

Кыргызстан менен АКШнын өкмөттөрүнүн кызматташтыгы тууралуу келишимге 1993-жылы 19-майда Вашингтондо кол коюлган. Бул документти кыргыз өкмөтү 2015-жылдын 21-июлунда бир тараптуу денонсациялаган.

Жаңы келишим даярдалып жатканы эки жылдан бери айтылууда, бирок ага кол коюла элек. (RK)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG