Линктер

ЧУКУЛ КАБАР!
27-ноябрь, 2020 жума, Бишкек убактысы 20:32

Бишкек: Пикетке чыккандар «саясий туткундардын» сотун ачык өткөрүүнү талап кылышты


«Айымдар кыймылынын» акциясы. 2020-жылдын 9-ноябры. Сүрөт «Апрель ТВ» каналына таандык.

Кечээ, 8-ноябрда президенттин жана парламенттин кеңсеси жайгашкан имараттын алдында нааразылык акциясы өттү. Аны өздөрүн «Айымдар кыймылы» деп атаган бирикме уюштуруп, алар «мыйзамсыздыкка жана башаламандыкка каршы» ачкачылык жарыялаганын билдиришти.

Беш-алты аял колуна «Убакыт келет, сот жооп берет», «Сот иши ачык өтсүн», «Конституциядан колуңду тарт!» деген жазууларды кармап турушту.

Акцияга чыккандардын бири Асылгүл Эдилова «Апрель ТВ» телеканалынын суроолоруна жооп берип жатып мурдагы президент Алмазбек Атамбаевди саясий туткун деп атап, анын соту ачык өтүшү керек экенин айтты:

«Кечээтен бери ачкачылык жарыяладык. Акциябызды 2-ноябрда эле баштаганбыз. Бирок эч ким көңүл бурган жок. Биринчи кезекте Алмазбек Шаршеновичке жана бардык саясий туткундарга калыс мамиле болушун талап кылып жатабыз. Экинчиден, парламенттик шайлоо өз мөөнөтүндө өтсүн. Себеби ишеним артылбаган алтынчы чакырылыш дагы эле отурат».

Эдилова уюмдун атынан жалпысынан беш талап жазылган кайрылуу Жогорку соттун жетекчилигине жөнөтүлгөнүн айтты. Анда саясий негизде камалгандардын сотун ачык өткөрүү тууралуу талап коюлганын билдирди.

Атамбаев кримтөбөл Азиз Батукаев түрмөдөн мыйзамсыз бошонуп кеткени үчүн эркинен ажыратылган. Мындан тышкары дагы бир нече иш боюнча айыпталып жаткан мурдагы мамлекет башчысы азыр Бишкектеги №47 колонияда кармалууда. 2019-жылдын августунда камалган Атамбаев быйыл 6-ноябрдагы башаламандык учурунда түрмөдөн чыккан, бирок бир нече күндөн кийин ал катышкан митингде уруш чыгып, кайра камалган.

Атамбаевдин тушунда, 2016-жылы Кыргызстанда «Саясий туткундарды коргоо комитети» түзүлүп, ал 30дай саясатчы саясий буюртма менен камалганын маалымдаган. Мурдагы президент ага коюлган айыптарды четке кагып келет.

Боршайком парламенттик кайра шайлоону 20-декабрга белгилеген. Бирок бийлик бул жараян конституциялык реформадан кийин өтөрүн билдирүүдө.

Атамбаевге карата козголгон иштердин баары жабык өтүп жатат. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG