Линктер

ЧУКУЛ КАБАР!
15-Июнь, 2021 шейшемби, Бишкек убактысы 21:08

Бишкекте кесиптик кошуун өкүлдөрүнүн митинги өтүүдө


Кесиптик кошуундардын өкүлдөрү нааразылык акциясына чыгышты. 2020-жылдын 12-ноябры.

Бишкекте Кесиптик кошуундар федерациясынын өкүлдөрүнүн нааразылык акциясы өтүп жатат. Бул тууралуу 12-ноябрда «Азаттык» радиосуна Курулуш өнөр жайчылар кесиптик кошуунунун төрагасы Элдияр Карачалов билдирди. Анын айтымында, федерациянын имаратында чогулгандар Өкмөт Үйүнүн алдына чейин барып, жөө жүрүш уюштурушат.

«Кесиптик кошуундар жөнүндө» жаңы мыйзамга каршы акция буга чейин бир нече жолу өткөн. Анын катышуучулары мыйзамдын долбоору парламентте регламентти бузуу менен каралып жатканын, эгер кабыл алынса кесиптик кошуундардын мүлкүн рейдерлик жол менен басып алууга жол ачыларын, федерация ыдырап жок болорун айтып жатышат.

Мыйзам долбоорун Жогорку Кенештин тогуз депутаты иштеп чыккан. Быйыл 5-ноябрда парламент аны экинчи окууда кабыл алган.

Авторлордун бири, депутат Мирлан Бакиров долбоорду кабыл алууда регламент бузулбаганын айтып, кесиптик кошуундардын ишмердүүлүгүн жөнгө салуучу азыркы мыйзамдын Конституцияга жана Эмгек кодексине каршы келген жерлери бар экенин, профсоюздарда мүлк талаш жана башка чырлар дээрлик 30 жылдан бери токтобой келе жатканын билдирген. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG