Линктер

ЧУКУЛ КАБАР!
3-Август, 2021 шейшемби, Бишкек убактысы 14:31

Он айда Кыргызстандын экономикасы 7,4% артка кетти


Кыргызстандын тыйындары. Иллюстрациялык сүрөт.

2020-жылдын январь-октябрь айларында Кыргызстандын ички дүң өнүмү (ИДӨ) 457 млрд. сомду түзүп, өткөн жылдын тиешелүү мезгилине салыштырмалуу 7,4% төмөндөдү. Бул тууралуу Улуттук статистика комитети баштапкы эсептерин чыгаргандан кийин кабарлады.

«Кумтөр» кен казуу ишканаларын эске албаганда ИДӨнүн он айдагы көрсөткүчү 8,3% артка кетип, 402 млрд. сом болду.

Төмөндөө негизинен курулушта (11,5%), дүң жана чекене соодада (16%) байкалды.

ИДӨ - өлкөдө өндүрүлгөн товарлардын жана кызмат көрсөтүүнүн көлөмү. Ал экономиканын эң негизги көрсөткүчү катары каралат.

Өкмөт Кыргызстандын ички дүң өнүмү алгач 2020-жылга 5% өсөт деп болжол берген. Коронавирус пандемиясына байланыштуу көрсөткүчтөр кайра каралгандан кийин, тескерисинче 6,8-7% артка кетет деп расмий эсептелген.

Азия өнүктүрүү банкы жыл соңуна чейин Кыргызстандын экономикасы 10% чейин төмөндөй турганын эскерткен.

Улуттук статистика комитетинин баштапкы эсебинде, 2019-жылы Кыргызстандын ИДӨсү 590 млрд. сомдон ашкан. Көрсөткүч 2017-жылы 530 млрд. сомдон, 2018-жылы 569 млрд. сомдон жогору болгону такталган. (ErN)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG