Линктер

ЧУКУЛ КАБАР!
2-Август, 2021 дүйшөмбү, Бишкек убактысы 16:07

Жапаров президенттин милдетин аткаруучу кызматын тапшырды


Садыр Жапаров.

Президенттин милдетин аткаруучу Садыр Жапаров 14-ноябрда кызматын тапшырганы тууралуу маалымат президенттин расмий сайтына жайгаштырылды. Ошондой эле Жапаровдун элге кайрылуусу жарыяланды.

«Борбордук шайлоо комиссиясы мөөнөтүнөн мурда өтчү президенттик шайлоону 2021-жылдын 10-январына белгиледи. Урматтуу мекендештерим, ушуга байланыштуу мен өлкө президентинин ыйгарым укуктарын мыйзам чегинде тапшырып берип, премьер-министр катары ыйгарым укуктарымды токтотуп, президенттик шайлоого катардагы жаран катары катышайын деп чечтим», - деп айтылат кайрылууда.

Кыргызстанда 4-октябрда кезектеги парламенттик шайлоо өтүп, анын бурмаланган жыйынтыгына нааразы болгон он чакты саясий партия 5-октябрда Бишкекте митинг өткөргөн. Митинг башаламандыкка айланып, ал окуя бийликтин алмашуусуна алып келди.

6-октябрга караган түнү элдик толкундоо убагында тарапкерлери түрмөдөн бошотуп алган Садыр Жапаров 14-октябрда премьер-министр болуп дайындалган. Жапаровдун тарапташтарынын талабы менен эки күндөн кийин Сооронбай Жээнбеков 16-октябрда президенттик кызматын тапшырып берген.

Жогорку Кеңештин ошол кездеги төрагасы Канатбек Исаев президенттин милдетин убактылуу аткаруудан баш тартып, 16-октябрда бул иш Жапаровго жүктөлгөн.

Садыр Жапаров келерки жылдын 10-январына белгилеген мөөнөтүнөн мурда өтчү президенттик шайлоого катышуу үчүн кызматын тапшырды. Мыйзам боюнча эми парламент спикери Талант Мамытов президенттин милдетин убактылуу аткарат.

Жапаров 12-ноябрда өткөн басма сөз жыйынында премьер-министрлик кызматын тапшырбай турганын, өкмөттү биринчи вице-премьер-министр Артем Новиков убактылуу башкарарын айткан. (BTo)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG