Линктер

ЧУКУЛ КАБАР!
26-ноябрь, 2020 бейшемби, Бишкек убактысы 01:33

Насыя алгандарга үч айлык жеңилдик берилди


Иллюстрациялык сүрөт.

Өкмөт финансы-насыя уюмдарынан насыя алгандарга мамлекеттен колдоо көрсөтүү тууралуу токтом кабыл алды. Ага ылайык, быйылкы жылдын 1-октябрына чейин 100 миң сомго чейинки суммада насыя алгандар үч айдын – быйылкы жылдын декабры жана келерки жылдын январь, февраль айлары үчүн үстөк пайызын төлөөдөн бошотулат.

Эгер ал адамдын башка да финансы-насыя уюмунан алган насыясы бар болсо, ал бирөөнү гана тандашы керек болот.

Мындай жеңилдик кредиттик союздан, лизинг компаниясынан жана ломбарддан карыз алгандарга берилбейт.

13-ноябрда премьер-министр Садыр Жапаров кол койгон токтомго ылайык Финансы министрлигине парламенттин тийиштүү комитети менен макулдашып, бюджеттен 1 миллиард 253 миллион 216 миң сом караштыруу тууралуу тапшырма берилди.

Кыргызстанда банктардан насыя алып, бирок кайтарып бере албай калган жарандарын маселеси олуттуу социалдык мүшкүлдөрдүн бирине айланган. Буга чейин алардын өкүлдөрү бир нече жолу акция өткөрүшкөн.

Адистер насыя алууда ар бир адам финансылык мүмкүнчүлүгүн жана бардык тобокелчиликти эске алышы керек экенин, насыя алып той өткөрүү же буюм сатып алуу деген көрүнүштөрдү токтотушу зарыл экенин айтып жүрүшөт.

Өлкөдө 22 коммерциялык банк бар, чакан насыя уюмдарынын саны 140тын тегерегинде.

Улуттук банктын маалыматына караганда, 2019-жылы 600 миңден ашуун кыргызстандык жалпысынан 30 миллион сомдон ашуун (355 миң доллар) суммага насыя алган. Бул акчанын көпчүлүк бөлүгү айыл чарбасына жана жеке муктаждыктарга берилген.

Башкы банк быйыл март айына карата кыргызстандыктардын коммерциялык банктарга болгон насыя карызынын жалпы суммасы 152 миллиард 861 миллион сом экенин маалымдаган. (RK)

Пикирлерди көрүңүз (23)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG