Линктер

ЧУКУЛ КАБАР!
5-Август, 2021 бейшемби, Бишкек убактысы 08:55

Өкмөт мамлекеттик кызматкерлерди азайтуу аракеттерин баштады


Кыргызстандын Жогорку Кеңеши жана президенттик аппарат олтурган имарат.

Кыргыз өкмөтү мамлекеттик кызматкерлердин штатын кыскартып, алардын ишин оптималдаштырууну пландап жатат. Ал үчүн мамлекеттик органдардын тутумун реформалоодо сунуштарды иштеп чыгуу боюнча мекеме аралык комиссия түзүлгөн. Комиссияны өкмөттүн аппарат башчысы Бакыт Аманбаев жетектеп жатат.

Комиссия 17-ноябрдын кечинде Өкмөт Үйүндө алгачкы жыйынын өткөрдү.

Бакыт Аманбаевдин айтымында, Кыргызстанда 28 миң мамлекеттик жана муниципалдык кызматкерлер бар. Бул өлкөнүн ар бир 447-жараны аткаминер дегенди түшүндүрөт. Алардын айлык акысына 48 миллиард сом корой турганы белгилүү болду.

Комиссия 20-ноябрга чейин мамлекеттик мекемелер түзүмүн оптималдаштыруу жана штатын кыскартуу боюнча план иштеп чыгышы керек. Алардын сунушун эксперттерден түзүлгөн жумушту топ карап чыгат.

Андан кийин министрликтер менен бирге аткаруу бийлигинин жалпы түзүмү иштелип чыгары айтылып жатат.

Бакыт Аманбаев ушундай жол менен мамлекеттик кызматкерлердин 10% чейин азайтып, ишин оптималдаштырса боло турганын кошумчалады.

Өкмөт сөз кылып жаткан реформа эки айдын ичинде ишке аша турганы белгилүү болду.

Премьер-министр Садыр Жапаров президенттик милдетти кошо аркалай баштагандан кийин жасаган видео билдирүүсүндө, «азыр көп кызматтарды технология аткарып калганын, аткаминерлердин ири армиясы кыскартыларын» билдирген. Жапаров президенттик шайлоого катышып жатканына байланыштуу убактылуу кызматын тапшырган. Өкмөттө анын командасы иштеп жатат. (AiB\ErN)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG