Линктер

ЧУКУЛ КАБАР!
1-Август, 2021 жекшемби, Бишкек убактысы 12:49

Тышкы иштер министри Руслан Казакбаев Тажикстанга жөнөп кетти


Руслан Казакбаев, тышкы иштер министри.

Кыргызстандын тышкы иштер министри Руслан Казакбаев чек ара маселелери боюнча сүйлөшүү үчүн Тажикстанга жөнөп кетти. Бул тууралуу Тышкы иштер министрлиги (ТИМ) кабарлады.

Иш сапарынын алкагында Казакбаев Тажикстандын тышкы иштер министри Сирожиддин Мухриддин жана башка аткаминерлери менен жолугушат. Жолугушуулар 19-20-ноябрь күндөрү болот.

Сүйлөшүүлөрдүн жүрүшүндө кыргыз-тажик кызматташуусунун саясий, соода-экономикалык, маданий-гуманитардык жана башка кеңири өңүттөрү талкууланмакчы. Мындан сырткары коопсуздук темасы да сөз болушу күтүлүүдө.

Тараптардын кездешүүлөрүндө Кыргызстандын жана Тажикстандын мамлекеттик чек араларын делимитациялоо жана демаркациялоо боюнча өкмөттүк комиссияларынын мындан аркы жумуштарына өзгөчө көңүл бурулмакчы.

Мурдараак Кыргызстандын президентинин милдетин аткарып турган учурда премьер-министр Садыр Жапаров Баткендеги иш сапарынын алкагында, кыргыз-тажик жана кыргыз-өзбек чек аралары тууралуу маселеге токтолуп, аларды тактоо иштери жандантыларын билдирген.

Кыргызстан менен Тажикстандын чек арасы - 970 чакырым. Мунун ичинен 519 чакырымы такталган, калганы талаштуу бойдон турат.

Талаштуу тилкелер Баткен облусунун Лейлек жана Баткен райондорунун Тажикстан менен чектешкен аймактарында. Бул жерлерде жайыт, жер, сугат суу талашынан улам эки элдин ортосунда чыр-чатак көп болот. Буга чейин эки өлкөнүн президенттери да чыр-чатакка байланыштуу маал-маалы менен диалог жүргүзүп келген. (ErN)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG