Линктер

ЧУКУЛ КАБАР!
19-Сентябрь, 2021 жекшемби, Бишкек убактысы 21:02

Азербайжан армиясы Калбажар районуна кирди


Тоолуу Карабактагы Азербайжан аскерлери.

Азербайжан армиясы Тоолуу Карабак аймагындагы куралдуу чатакты токтотуу тууралуу келишимдин алкагында экинчи районго кирди. Бул тууралуу Азербайжандын Коргоо министрлиги 25-ноябрда билдирди. Аскерлер Тоолуу Карабак менен Армениянын ортосундагы Калбажарды 15-ноябрда өткөрүп алышмак, бирок гуманитардык себептерден улам мөөнөтү жылдырылган.

Министрликтин маалыматына караганда, жолдор миналардан тазаланып, асердик бөлүктөрдүн жайгашуусу үчүн даярдык көрүлдү.

Армения 44 күнгө созулган уруштан кийин Тоолуу Карабакты курчаган Агдам, Калбажар жана Лачинди кошуна өлкөгө өткөрүп берүүгө макул болгон.

Азери аскерлери Агдамга 20-ноябрда киришкен, Лачин 1-декабрда өткөрүлмөкчү.

Орусиянын президенти Владимир Путин Москванын арачылыгы менен жетишилген тынчтык келишиминин аткарылышын шейшембиде Азербайжан лидери Илхам Алиев жана армян премьер-министри Никол Пашинян менен өз-өзүнчө телефондон талкуулады.

Кремлдин басма сөз кызматы жетекчилер Тоолуу Карабак элине гуманитардык жардам берүү, экономика маселелерин, транспорт байланышын калыбына келтирүүнү сөз кылышканын маалымдады.

Кеишимдин шарттарынын бирине ылайык, Орусиянын 2 миң аскери аймакка жайгаштырылган.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG