Линктер

ЧУКУЛ КАБАР!
19-Январь, 2021 шейшемби, Бишкек убактысы 12:09

Октябрь районунун мурдагы акими Куценко үй камагына чыгарылды


Константин Куценко.

Бишкектин Октябрь районунун мурдагы акими Константин Куценко келерки жылдын 11-январына чейин үй камагына чыгарылды. Мындай чечим Биринчи май районундук сотунда чыкканын 27-ноябрда «Азаттыкка» Жогорку соттун басма сөз кызматы кабарлады.

24-ноябрда Экономикалык кылмыштарга каршы күрөш боюнча мамлекеттик кызмат (Финансы полициясы) Куценко соттун чечими менен конфискация боло турган жер тилкесинин ээсин алмаштыруу боюнча коррупциялык схеманы аныктоо ишинин алкагында кармалганын, факт боюнча Жазык кодексинин 319-беренесинин 1-бөлүгү («Коррупция») менен кылмыш иши козголгонун маалымдаган.

Ошол эле күнү район башчысы болуп быйыл октябрдагы бийлик алмашуудан кийинки окуялар учурунда дайындалган Куценко өз арызынын негизинде иштен алынган.

Финполдун басма сөз кызматы буга чейин билдиргендей, 2016-жылы айрым адамдар киреше алуу максатында өз байланыштарын пайдаланып, президенттик аппараттын, Мамлекеттик каттоо кызматынын, сот органдарынын өкүлдөрү менен туруктуу байланыш түзүп алышкан. Алар сот иштерин жана сот чечимдерин жасалмалап, «Г.Э.» ишканасынын кызыкчылыгын көздөп, мүлктү камактан мыйзамсыз чыгарган. Факт боюнча Жазык кодексинин «Коррупция» беренесинин негизинде кылмыш иши козголуп, Бишкек шаардык сотунун жарандык иштер боюнча сектор башчысы жана Бишкектин район аралык сотунун мурдагы судьясы кармалган.

Кылмышка байланыштуу шек саналып жаткан тарап азырынча комментарий бере элек. (RK)

XS
SM
MD
LG