Линктер

ЧУКУЛ КАБАР!
28-Сентябрь, 2021 шейшемби, Бишкек убактысы 11:21

УКМКнын төрагасынын мурдагы орун басары Чоткараев кармалганы кабарланды


Дүйшөнбек Чоткараев

27-ноябрда кечинде УКМКнын төрагасынын мурдагы орун басары, генерал-майор Дүйшөнбек Чоткараевди күч органдары кармап кетти. Бул тууралуу президенттик шайлоого талапкер болуш үчүн арыз жазган УКМКнын экс-төрагасы Абдил Сегизбаев билдирди. Анын айтымында, Чоткараев Сегизбаевдин шайлоо штабынын башчысынын орун басары болуп иштеп жаткан.

«Чоткараев менин талапкерлигим үчүн кол топтоо иштерин координациялап жаткан. Аны кармоону саясий кысым катары баалайм. Бизди шайлоого катыштырбоо аракети болуп жатат», - деди Сегизбаев.

УКМКнын мурдагы башчысы президенттикке талапкерлерге кайрылып, 10-январдагы шайлоону таза өткөрүү үчүн бирге турууга чакырды.

Сегизбаев буга чейин жер-жерлерде тарапкерлерине басым болуп келгенин жана мындай мындай көрүнүш улана берсе президенттик шайлоого көлөкө түшөрүн эскертти. «Таза шайлоо өтпөсө ал бийликтин жоопкерчилигинде болот» - деди.

УКМК Чоткараев алтын аткезчилиги боюнча тергөө амалдарына катышуу үчүн чакырылганын билдирди. Атайын кызмат калган маалымат тергөө аяктаган соң берилерин кошумчалады.

2016-2018-жылдары Абдил Сегизбаев УКМКнын төрагасы кезинде Дүйшөнбек Чоткараев анын орун басары болчу.

Пикирлерди көрүңүз (14)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG