Линктер

ЧУКУЛ КАБАР!
17-Январь, 2021 жекшемби, Бишкек убактысы 00:21

Түркияда эки кыргызстандык «орган сатуу» боюнча кармалганы кабарланды


Иллюстрациялык сүрөт.

Түркиянын Стамбул шаарындагы Кыргызстандын Башкы консулдугу бул өлкөгө орган алмаштыруу операциясына байланыштуу барган эки кыргызстандык кармалганы тууралуу маалыматты териштирип жатканын 30-ноябрда «Азаттыкка» кабарлады.

Түркиянын «Анадолу» агенттиги 29-ноябрда Стамбулдагы менчик ооруканалардын биринде Кыргызстандын эки жараны кармалганын, алар өзүлөрүн жасалма документ аркылуу таяке-жээн катары көрсөтүп, бөйрөк алмаштырыш үчүн Түркияга барганын кабарлаган. Бул өлкөнүн Саламаттык сактоо министрлигине караштуу этика комиссиясы эки кыргызстандыктын бири-бирине тууганчылыгы жок экенин аныктап, полиция терөө жүргүзө баштаганы, донор адам бөйрөгүн сатканы жатканы далилденгени айтылды.

«Анадолу» агенттигинин маалыматына караганда, «Орган сатуу» операциясынын алкагында Стамбул шаарында жалпысынан 18 чет өлкөлүк кармалып, алардын бешөө камакка алынды.

Түркиянын Жазык кодексинин 91-беренеси («Орган соодасы») боюнча донордон орган сатып алган киши беш жылдан тогуз жылга чейин эркинен ажыратылат. (ElB)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG