Линктер

ЧУКУЛ КАБАР!
26-Январь, 2021 шейшемби, Бишкек убактысы 08:35

Таласта 4-декабрда күн-түн бою тынбай «Манас» айтылат


Бир сутка бою «Манас» айтуу иш-чарасы 4-декабрда өтөт.

Маданият, маалымат жана туризм министрлиги 4-декабрда Талас облусундагы «Манас Ордо» комплексинде бир сутка бою «Манас» айтуу иш-чарасын өткөрөт.

Министрликтин маалыматына караганда, бул иш-чара «Манас күнүнө» арналат жана ага Кыргызстандын бардык аймактарынан жаш жана белгилүү манасчылар катышат. 4-декабрда саат 11:00дө башталып, 5-декабрда саат 11:00 жыйынтыктала турган иш-чара «Маданият. Тарых. Тил» каналы аркылуу түз эфирде көрсөтүлөт.

Министрлик бул майрамдык акцияны өткөрүүгө республикалык бюджеттен акча каражаты сарпталбай турганын, ал демөөрчүлөрдүн жана меценаттардын колдоосу менен өткөрүлөрүн билдирди.

«Манас» эпосу - эл турмушунан алган орду, мааниси боюнча жалпы элдик эстелик-мурас. Буга чейин ал ЮНЕСКОнун тизмесине адамзаттын материалдык эмес мурасы катары киргизилген. Быйыл 12-ноябрда Бишкекте манасчы Дөөлөт Сыдыков өз өнөрүн Гиннестин рекорддор китебине киргизүү максатында 14 саат 27 мүнөт «Манас» айтты. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG