Линктер

ЧУКУЛ КАБАР!
24-Январь, 2021 жекшемби, Бишкек убактысы 19:00

Кытайдын космос зонду Айда топурак үлгүсүн чогулта баштады


Кытайдын космос аппараты.

Кытайдын «Чанъэ-5» зонду шейшембиде Айга конуп, жандоочунун кыртышын бургулап топурактын үлгүсүн чогулта баштады. Жабдык мурда эч ким барып көрө элек лава өрөөнүнө конду. Зонд эки килограмм материал чогултууга аракеттенип, ал илимпоздорго Айдын пайда болушу жөнүндө көбүрөк маалымат алууга жардам бермекчи.

Эми зонд бир нече иш аткарат. Анын ичинде бурголоо жана геологиялык үлгү чогултуу менен алектенет. Кытайдын мамлекеттик желегин орнотот жана учууга даярданат. Пландалган убакытта артка жол тартат.

24-ноябрда ааламга бет алган пилоттолбогон аппарат жылдын аягына чейин Жерге кайтып келмекчи.

Миссия ийгиликтүү аяктаса, Кытай Айдан материал алууга жетишкен АКШ жана СССРден кийинки үчүнчү мамлекет болуп калмакчы.
1960-жылдардын аягында 1970-жылдардын башында НАСАнын астронавттары «Апполон» кемелери менен, 1976-жылы советтик «Луна-3» экспедициясы Айдын кыртышынын үлгүлөрүн алып келишкен. Ошондон бери окумуштуулар жаңы материалдарды күтүп жатышат.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG