Линктер

ЧУКУЛ КАБАР!
28-Февраль, 2021 жекшемби, Бишкек убактысы 20:09

Конституциялык кеңешмедеги 21 депутаттын үчөө гана талкууга катышып жатканы белгилүү болду


Жогорку Кеңештин жыйындар залы.

Баш мыйзамдын жаңы долбоорун талкуулаш үчүн түзүлгөн Конституциялык кеңешменин курамындагы парламент депутаттарынын дээрлик көпчүлүгү кеңешменин жыйындарына катышпай жатат. Бул тууралуу 3-декабрда кеңешменин төрагасы Бекбосун Бөрүбашев билдирди.

Анын айтымында, кеңешмеге кирген 98 адамдын 28и мамлекеттик кызматкер. 28дин 21и Жогорку Кеңештин депутаты.

Кеңешменин мүчөсү, мурдагы депутат Эсенгул Исаков жыйынга катышпай жаткандар жоопкерчиликтен качып жатканы тууралуу оюн айтты:

«Үч эле депутат катышып жатат. Катышпагандар же арыз жазып кетиши керек, себеби сунушу барлар, иштөөнү каалагандар бар. Эртең мыйзам жакшы жазылса алар «биз да бар болчубуз» дейт, жаман жазылса «жок болчубуз» дешет. Жоопкерчиликти тең алыш үчүн алар же жок, же бар болушу керек».

17-ноябрда Жогорку Кеңеш Баш мыйзамдын жаңы долбоорун коомдук талкууга чыгарган. Аны талкуулаш үчүн президенттин милдетин аткаруучу Талант Мамытовдун жарлыгы менен 20-ноябрда Конституциялык кеңешме түзүлгөн. Долбоордун автору 80 депутат экени айтылган, кийин айрымдары авторлуктан баш тартып, ал долбоорду жазбаганын жана көрбөгөнүн айтып чыгышкан. (RK)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG