Линктер

ЧУКУЛ КАБАР!
20-Январь, 2021 шаршемби, Бишкек убактысы 16:07

Беш миңдей тоо-кенчи өкмөттөн ишти улантууга кепилдик күтүп жатканын билдирди


Иллюстрациялык сүрөт.

Кыргызстанда дээрлик эки айдан бери ишсиз отурган 5 миңге жакын тоо-кенчи жана металлург өкмөттөн ишти улантууга кепилдик күтүп жатат. Бул тууралуу 4-декабрда «Азаттыкка» Тоо-кен металлургия кесиптик бирлигинин төрагасынын орун басары Алмазбек Жакыпов билдирди.

Жакыповдун айтымында, өлкөдө тоо-кен тармагында 15-20 чакты ишкана бар, алардын 5-6сынын иши быйылкы октябрь окуяларынан бери токтоп турат жана мамлекеттик бюджетке бир эле «Эти Бакыр Терек-Сай» ишканасынан 1,5 миллион доллар түшпөй калды.

«Себеби - жергиликтүү эл менен тил табышпаганы, - деди ал. - Инвесторлор да коркуп калды. Өкмөттөн кепилдик күтүп жатышат. Иштегенге шарт түзүп берет деген ой бар. Өкмөт иш жүргүзүүдө. Жакшы жагдай түзүлүп, кепилдик берилсе, жумушчулар үй-бүлөсүн багат эле».

Жакыпов кошумчалагандай, токтоп турган ишканалардын үчөө - кыргыз-кытай, бирөө - кыргыз-түрк жана дагы бирөө - кыргыз-казак компаниялары.

Расмий маалымат боюнча, Кыргызстанда тоо-кен тармагындагы ишканалардын 30% Кытай менен бирге түзүлгөн.

Быйыл 4-октябрдагы парламенттик шайлоодон кийинки башаламандык учурунда айрым тоо-кен ишканалары талкаланган.

3-декабрда тоо-кенчилердин өкүлдөрү Өнөр жайы, энергетика жана жер казынасын пайдалануу боюнча мамлекеттик комитеттин жетекчилиги менен жолугушуу өткөрүштү. Анда ишканаларды калыбына келтирүү боюнча аракет жүрүп жатканы айтылды.

Кыргызстандын ички дүң өнүмүнүн 10%, салык төлөмдөрүнүн 25% жана өндүрүш көлөмүнүн 43%ын тоо-кен тармагы камсыз кылат. Түмөндөгөн адамдардын жумушу ушул тармак менен байланышта. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG