Линктер

ЧУКУЛ КАБАР!
23-Январь, 2021 ишемби, Бишкек убактысы 16:56

ИИМ: Кыргызстан кара куурайга көзөмөлдү азайтууга каршы


Иллюстрациялык сүрөт.

Кыргызстан кара куурай жана кара куурайдын чыйыры өзгөчө кооптуу баңги заттардын тизмесинен чыгарылышына каршы. Бул тууралуу 4-декабрда өлкөнүн Ички иштер министрлиги (ИИМ) кабарлады.

Мекеменин маалыматына караганда, Кыргызстан Бириккен Улуттар Уюмунун (БУУ) Баңгизаттар боюнча комиссиясынын 2-декабрдагы чечимине каршы добуш берген 25 өлкөнүн бири.

Мындай чечимин ИИМ Кыргызстандын аймагында кара куурай 10 миң гектардан ашуун жерде өсөрү жана ага каршы чараларды жумшартуу өлкөдөгү наркологиялык кырдаалга тескери таасир тийгизиши ыктымалдыгы менен түшүндүрдү.

Кыргызстан БУУнун комиссиясынын чечиминин кесепетин азайтуу максатында мындан ары ошол эле Бирдиктүү конвенциянын көзөмөл боюнча андан да катаал чараларын жетекчиликке алып иштерин билдирди.

1961-жылы БУУ кара куурайды көзөмөлдөө боюнча өтө катаал чаралардын тизмесин бекиткен Бирдиктүү конвенцияны кабыл алган.

2019-жылы Дүйнөлүк саламаттык сактоо уюму кара куурайды ал тизмеден чыгарууну суранып БУУнун Баңгизаттар боюнча комиссиясына кайрылган.

Быйыл 2-декабрда БУУнун комиссиясында добуш берүү жүрүп, 27 мүчөсү макулдугун берсе, 25и каршы чыгып, чечим кабыл алынган. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG