Линктер

ЧУКУЛ КАБАР!
24-Сентябрь, 2021 жума, Бишкек убактысы 14:50

11 айда Кыргызстандын экономикасы 8,1% төмөндөдү


Кыргызстандын тыйындары. Иллюстрациялык сүрөт.

2020-жылдын январь-ноябрь айларында Кыргызстандын ички дүң өнүмү (ИДӨ) 511 миллиард сомду түзүп, 2019-жылдын тиешелүү мезгилине салыштырмалуу 8,1% артка кетти. Бул тууралуу Улуттук статистика комитети баштапкы эсептерин чыгаргандан кийин кабарлады.

«Кумтөр» кен казуу ишканаларын эске албаганда ИДӨнүн 11 айдагы көрсөткүчү 8,6% артка кетип, 452 млрд. сом болду.

Жалпы көрсөткүчтүн ичинен курулуш (16%), дүң жана чекене соода (15,6%) жана өнөр-жай 5,5%, артка кетти.

ИДӨ - өлкөдө өндүрүлгөн товарлардын жана кызмат көрсөтүүнүн көлөмү. Ал экономиканын эң негизги көрсөткүчү катары каралат.

Өкмөт Кыргызстандын ички дүң өнүмү алгач 2020-жылга 5% өсөт деп болжол берген. Коронавирус пандемиясына байланыштуу көрсөткүчтөр кайра каралгандан кийин, тескерисинче 6,8-7% артка кетет деп расмий эсептелген.

Азия өнүктүрүү банкы жыл соңуна чейин Кыргызстандын экономикасы 10% чейин төмөндөй турганын эскерткен. Евразия өнүктүрүү банкы (ЕӨБ) төмөндөө 7,5% болот деп баалаган.

Улуттук статистика комитетинин баштапкы эсебинде, 2019-жылы Кыргызстандын ИДӨсү 590 млрд. сомдон ашкан. Көрсөткүч 2017-жылы 530 млрд. сомдон, 2018-жылы 569 млрд. сомдон жогору болгону такталган. (ErN)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG