14-декабрда «Gmail» почтасы баш болгон «Google» платформасы бир катар сервистеринин жана «Youtube» хостингинин иши дүйнө жүзүндө үзгүлтүккө учурады. Муну Кыргызстандагы колдонуучулар да социалдык тармактарга жазышты.
Интернеттеги популярдуу болгон сервистер иштебей калганына көбүнесе Европанын жашоочулары нааразы болуп жазып жатышты. Жарым сааттан кийин аталган сервистер иштей баштады.
Азырынча үзгүлтүккө эмне себеп болгону расмий түрдө айтыла элек.
