Линктер

ЧУКУЛ КАБАР!
25-Январь, 2021 дүйшөмбү, Бишкек убактысы 23:39

КСДП вице-спикерликке Касымалиеванын ордуна Молдобекованы даярдоодо


Аида Касымалиева.

Жогорку Кеңештеги Кыргызстан социал-демократиялык партиясынын (КСДП) фракциясы Аида Касымалиеваны вице-спикерликтен түшүрүп, ордуна депутат Гүлкан Молдобекованы сунуш кылат. Бул тууралуу аталган фракциянын депутаты Дастан Бекешев «Телеграмдагы» каналында билдирди:

«Көп журналисттер телефон чалып: «Аида Касымалиеваны вице-спикерликтен алууну көздөп, мини-төңкөрүш жасоого аракет болуп жатканы чынбы?» - деп сурашууда. Ооба, бул чын. КСДП фракциясы чечим даярдап жатат. Ордуна Гүлкан Молдобекованы - Социалдык саясат комитетинин төрайымын койгону жатышат. Негизи мамлекеттик кызматта өсүүнү кааласаң, сен каршы пикир көрсөтпөгөн мүнөзүң болушу керек. Эгер «көп жашаган» депутат болгуң келсе да, каршы пикир көрсөтпөгөн мүнөздө болушуң керек».

Депутат Иса Өмүркулов жетектеген КСДП фракциясы бул маалыматка комментарий бере элек.

2018-жылдын декабрынан бери парламент төрагасынын орун басары болуп иштеп келаткан Аида Касымалиева бул тууралуу соцтармактан укканын, анык маалыматы жок экенин билдирди.

Гүлкан Молдобекова - Социалдык маселелер, билим берүү, илим, маданият жана саламаттык сактоо комитетинин төрайымы. (SE\BCh)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG