Линктер

ЧУКУЛ КАБАР!
1-Август, 2021 жекшемби, Бишкек убактысы 00:14

Ат-Башы ГЭСинин үчүнчү агрегаты ишке берилди


Ат-Башы ГЭСинин №3 гидроагрегаты иштей баштады.

Бүгүн, 21-декабрда Нарында Ат-Башы ГЭСинин №3 гидроагрегаты иштей баштады. «Улуттук энергохолдинг» ишканасынын төрагасы Нурбек Козубеков гидроагрегатты пайдаланууга берүү салтанатында сүйлөп жатып бул энергетикалык долбоор Кыргызстан эгемендик алгандан бери ишке берилген Камбар-Ата-2 ГЭСинен кийинки экинчи долбоор экенин белгилеп, мындан ары да аймакта жаңы ишканаларды ачууга, элдин жашоосун жакшыртууга мүмкүнчүлүк ачылганын айтты.

Өткөн кылымдын жетимишинчи жылдарында курулуп, эскилиги жетип калган Ат-Башы гидроэлектростанциясы реконструкция болгондон кийин аны пайдалануу мөөнөтү дагы 30-40 жылга узарып, жылына электр энергиясын иштеп чыгуу саатына 150дөн 180 миллион кВт чейин көбөйүп, кубаттуулук 4 МВтга же 10% өсөт деп пландалууда.

«Ат-Башы» ГЭСинин №3 гидроагрегаты иштей баштады.
«Ат-Башы» ГЭСинин №3 гидроагрегаты иштей баштады.

Ат-Башы ГЭСи – Нарын облусунда электр энергиясын өндүрүүнүн жалгыз булагы. Жылдык иштеп чыгарган кубаттуулугу 115-160 млн. кВт/саат болгон бул ишкана «Электр станциялары» ачык акционердик коомунун түзүмдүк бөлүмү. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG