Линктер

ЧУКУЛ КАБАР!
24-Январь, 2021 жекшемби, Бишкек убактысы 02:22

БШК: Шайлоого карата 311 эл аралык байкоочу катталды


Борбордук шайлоо комиссиясы.

Кыргызстанда 10-январда өтө турган президенттик шайлоого жана референдумга карата эл аралык байкоочулардын дагы бир тобу катталды. Бул тууралуу 29-декабрда Борбордук шайлоо комиссиясынын (БШК) басма сөз кызматы кабарлады.

Мекеменин маалыматына караганда, бир катар уюмдун атынан 113 өкүл аккредитациядан өттү. Алар – Индонезиянын шайлоо комиссиясынан эки, Көз каранды эмес мамлекеттер шериктештигинин парламент аралык ассамблеясынан 18, Шанхай кызматташтык уюмунан 14, Түрк тилдүү мамлекеттердин парламенттик ассамблеясынан тогуз, Ислам кызматташтык уюмунан үч, Жамааттык коопсуздук келишим уюмунун парламенттик ассамблеясынан тогуз, Европадагы коопсуздук жана кызматташтык уюмунун парламенттик ассамблеясынан 52 жана Көз каранды эмес мамлекеттер шериктештигинен алты байкоочу.

Жалпысынан, 28-декабрга карата Кыргызстандын Боршайкому 31 эл аралык уюмдан, 43 өлкөдөн 311 байкоочуну расмий каттоого алды.

10-январда Кыргызстанда мөөнөтүнөн мурда президенттик шайлоо жана мамлекеттик башкаруу формасын аныктоо боюнча референдум өтөт. Президенттикке 18 талапкер ат салышууда. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG